ಖ್ಯಾತ ಉದ್ಯಮಿ ಇಡೂರು ನಡುಮನೆ ಕರುಣಾಕರ ಶೆಟ್ಟಿ ನಿಧನ

ಚಿತ್ತೂರು ಸಕಲ ಕನ್ವೆನ್ಷನ್ ಹಾಲ್ ಹಾಗೂ ಇಂಡಿಯನ್ ಪೆಟ್ರೋಲ್ ಬಂಕ್‌ನ ಮಾಲೀಕ, ಖ್ಯಾತ ಉದ್ಯಮಿ ಇಡೂರು ನಡುಮನೆ ಕರುಣಾಕರ ಶೆಟ್ಟಿ ಅವರು ಹಠಾತ್ ನಿಧನರಾಗಿದ್ದಾರೆ.

ಹೋಟೆಲ್ ಉದ್ಯಮ, ಬಾರ್ ಮತ್ತು ರೆಸ್ಟೋರೆಂಟ್, ಪಾರ್ಟಿ ಹಾಲ್ ಹಾಗೂ ಪೆಟ್ರೋಲ್ ಬಂಕ್ ಸೇರಿದಂತೆ ವಿವಿಧ ವ್ಯಾಪಾರ ಕ್ಷೇತ್ರಗಳಲ್ಲಿ ಯಶಸ್ವಿಯಾಗಿ ತಮ್ಮದೇ ಆದ ಛಾಪು ಮೂಡಿಸಿದ್ದ ಕರುಣಾಕರ ಶೆಟ್ಟಿ ಅವರು, ಸೌಜನ್ಯ, ಪ್ರಾಮಾಣಿಕತೆ ಮತ್ತು ಸೇವಾಭಾವದ ಮೂಲಕ ಸಮಾಜದಲ್ಲಿ ಗೌರವಾನ್ವಿತ ಸ್ಥಾನ ಪಡೆದಿದ್ದರು. ವ್ಯವಹಾರಿಕ ಯಶಸ್ಸಿನ ಜೊತೆಗೆ ಸಾಮಾಜಿಕ ಹೊಣೆಗಾರಿಕೆಯನ್ನು ಸಮರ್ಪಕವಾಗಿ ನಿಭಾಯಿಸಿದ್ದ ಅವರು, ಅನೇಕ ಜನರಿಗೆ ಪ್ರೇರಣೆಯಾದವರು.

ಅವರ ಅಕಾಲಿಕ ನಿಧನದಿಂದ ಕುಟುಂಬದವರಿಗೆ ಮಾತ್ರವಲ್ಲದೆ, ಸ್ನೇಹಿತರು, ಬಂಧುಗಳು, ವ್ಯಾಪಾರ ವಲಯ ಹಾಗೂ ಇಡೀ ಊರಿಗೆ ತುಂಬಲಾರದ ನಷ್ಟವಾಗಿದೆ. ಮೃತರ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ವಿವಿಧ ವಲಯಗಳಿಂದ ಸಂತಾಪ ಸೂಚಿಸಲಾಗುತ್ತಿದೆ.