ಮಾ15ರಿಂದ ಮಾ.19: ಉಡುಪಿ-ಮಂಗಳೂರಿನಲ್ಲಿ ಗುಡುಗು ಸಹಿತ ಮಳೆ ಸಾಧ್ಯತೆ

ಮಾರ್ಚ್ 15ರಿಂದ ಮಾರ್ಚ್ 19ರವರೆಗೆ ದಕ್ಷಿಣ ಕನ್ನಡ ಹಾಗೂ ಉಡುಪಿ ಜಿಲ್ಲೆಗಳ ಒಂದು ಅಥವಾ ಎರಡು ಸ್ಥಳಗಳಲ್ಲಿ  ಬಿರುಗಾಳಿ- ಗುಡುಗು ಸಹಿತ ಹಗುರವಾದ ಮಳೆಯಾಗಲಿದೆ ಎಂದು ಹವಾಮಾನ ಇಲಾಖೆಯ ಬೆಂಗಳೂರು ಕೇಂದ್ರದ ನಿರ್ದೇಶಕರ ಪ್ರಕಟಣೆ ತಿಳಿಸಿದೆ. 

ಶನಿವಾರ ಸಂಜೆ ಕಾರ್ಕಳದ ಬಜಗೋಳಿಯಲ್ಲಿ ಮಳೆ ಸುರಿದಿದ್ದು, ಕುಕ್ಕುಂದೂರು ಪ್ರದೇಶದಲ್ಲೂ ಹನಿ ಹನಿ ಮಳೆಯಾಗಿತ್ತು. ರಾತ್ರಿ ಉಡುಪಿಯ ಹಲವೆಡೆ ಮಳೆಯಾಗಿತ್ತು.