ಬೀಡಿನಗುಡ್ಡೆ ಜಂಕ್ಷನ್‌ನಲ್ಲಿ ಅಪಾಯಕಾರಿ ಮರದ ಗೆಲ್ಲುಗಳ ತೆರವು

ಉಡುಪಿ ನಗರದ ಬೀಡಿನಗುಡ್ಡೆ ಜಂಕ್ಷನ್‌ ಬಳಿ ವಿದ್ಯುತ್‌ ತಂತಿಗಳಿಗೆ ತಾಗುವ ಹಾಗೂ ಮಳೆ-ಗಾಳಿಯ ಸಂದರ್ಭ ಸಾರ್ವಜನಿಕರಿಗೆ ಅಪಾಯ ಉಂಟುಮಾಡುವ ಸಾಧ್ಯತೆಯಿದ್ದ ಬೃಹತ್ ಮರದ ಗೆಲ್ಲುಗಳನ್ನು ಬುಧವಾರ ಕಡಿದು ತೆರವುಗೊಳಿಸಲಾಯಿತು.

ಮರದ ಗೆಲ್ಲುಗಳು ವಿದ್ಯುತ್‌ ತಂತಿಗಳಿಗೆ ತಾಗುವ ಸ್ಥಿತಿಯಲ್ಲಿದ್ದ ಹಿನ್ನೆಲೆಯಲ್ಲಿ ಮುನ್ನೆಚ್ಚರಿಕಾ ಕ್ರಮವಾಗಿ ಅವುಗಳನ್ನು ತೆರವುಗೊಳಿಸುವ ಕಾರ್ಯ ಕೈಗೊಳ್ಳಲಾಯಿತು. ಕಾರ್ಯಾಚರಣೆ ವೇಳೆ ಕೆಲಕಾಲ ವಾಹನ ಸಂಚಾರಕ್ಕೆ ಅಡಚಣೆ ಉಂಟಾಯಿತು.

ಸಂಚಾರ ವ್ಯವಸ್ಥೆಗೆ ತೊಂದರೆಯಾಗದಂತೆ ವಾಹನಗಳನ್ನು ಬದಲಿ ಮಾರ್ಗದ ಮೂಲಕ ಸಂಚರಿಸಲು ಅನುವು ಮಾಡಿಕೊಡಲಾಯಿತು. ಮರದ ಗೆಲ್ಲುಗಳನ್ನು ತೆರವುಗೊಳಿಸಿದ ಬಳಿಕ ಸಂಚಾರವನ್ನು ಸಹಜ ಸ್ಥಿತಿಗೆ ತರಲಾಯಿತು.