ಉಡುಪಿಯ ಪೋದಾರ್ ಪ್ರೆಪ್ ನಲ್ಲಿ ಸ್ವಾತಂತ್ರ್ಯ ದಿನಾಚರಣೆ

ಉಡುಪಿಯ  ಪೋದಾರ್ ಪ್ರೆಪ್ ನಲ್ಲಿ “ಸ್ವಾತಂತ್ರ್ಯವು ನಮ್ಮ ಭವಿಷ್ಯವನ್ನು ರೂಪಿಸುತ್ತದೆ, ಜ್ಞಾನವು ನಮ್ಮ ದಾರಿಯನ್ನು ಮುನ್ನಡೆಸುತ್ತದೆ” ಎಂಬ ಆಶಯದೊಂದಿಗೆ ಸ್ವಾತಂತ್ರ್ಯ ದಿನಾಚರಣೆಯನ್ನು ಆಚರಿಸಲಾಯಿತು. 

ಮಕ್ಕಳು, ಪೋಷಕರು, ಅಜ್ಜ-ಅಜ್ಜಿಯರು ಹಾಗೂ ಕುಟುಂಬದ ಸದಸ್ಯರು ಒಟ್ಟಾಗಿ ಭಾಗವಹಿಸಿದ ಈ ಕಾರ್ಯಕ್ರಮವು ದೇಶಭಕ್ತಿ, ಕಲಿಕೆ, ಕುಟುಂಬ ಬಾಂಧವ್ಯ ಹಾಗೂ ತಲೆಮಾರುಗಳ ಜ್ಞಾನವನ್ನು ಸುಂದರವಾಗಿ ಬೆಸೆದ ಅರ್ಥಪೂರ್ಣ ಅನುಭವವನ್ನು ನೀಡಿತು.

ಆಚರಣೆಯ ಅಂಗವಾಗಿ ಜನರೇಷನ್ ರ್ಯಾಂಪ್ ವಾಕ್, ಪಾಸ್ ದಿ ಬಾಲ್ ಆಫ್ ಪ್ರೈಡ್, ಪ್ಯಾಟ್ರಿಯಾಟಿಕ್ ಮ್ಯೂಸಿಕಲ್ ಫ್ರೀಜ್, ಫೋರ್ ಕಾರ್ನರ್ಸ್ ಫ್ಯಾಮಿಲಿ ಚಾಲೆಂಜ್, ಪಾಸ್ ದಿ ರಿಂಗ್ – ಶೇರ್ ಎ ವ್ಯಾಲ್ಯೂ, ಫ್ರೀಡಂ ವ್ಯಾಲ್ಯೂ ರಿಲೇ ಮತ್ತು ಬಿಲ್ಡ್ ದಿ ಫ್ಯೂಚರ್ ಟುಗೆದರ್ ಸೇರಿದಂತೆ ವಿವಿಧ ಸಂವಾದಾತ್ಮಕ ಹಾಗೂ ಮನರಂಜನಾತ್ಮಕ ಚಟುವಟಿಕೆಗಳನ್ನು ಆಯೋಜಿಸಲಾಗಿತ್ತು. ಪ್ರತಿಯೊಂದು ಚಟುವಟಿಕೆಯೂ ಮಕ್ಕಳಿಗೆ ಸ್ವಾತಂತ್ರ್ಯದ ಮಹತ್ವವನ್ನು ಅರ್ಥಮಾಡಿಕೊಳ್ಳಲು, ದೇಶದ ಬಗ್ಗೆ ಹೆಮ್ಮೆ ಮತ್ತು ಗೌರವ ಬೆಳೆಸಿಕೊಳ್ಳಲು ಹಾಗೂ ಏಕತೆ, ಜವಾಬ್ದಾರಿ ಮತ್ತು ಕೃತಜ್ಞತೆಯ ಮಹತ್ವವನ್ನು ತಿಳಿದುಕೊಳ್ಳಲು ಸಹಾಯವಾಗುವಂತೆ ವಿನ್ಯಾಸಗೊಳಿಸಲಾಗಿತ್ತು.

ಈ ಆಚರಣೆಯು ಪರಂಪರೆ ಮತ್ತು ನಾಯಕತ್ವದ ನಡುವಿನ ಬಾಂಧವ್ಯವನ್ನು ಎತ್ತಿ ತೋರಿಸಿತು. ಹಿರಿಯರಿಂದ ಕಲಿತು, ಪ್ರಾಮಾಣಿಕತೆ, ಕರುಣೆ ಮತ್ತು ಜವಾಬ್ದಾರಿಯೊಂದಿಗೆ ಒಟ್ಟಾಗಿ ಕಾರ್ಯನಿರ್ವಹಿಸುವ ಮೂಲಕ ಉತ್ತಮ ಭವಿಷ್ಯವನ್ನು ನಿರ್ಮಿಸಬಹುದು ಎಂಬ ಸ್ಫೂರ್ತಿಯನ್ನು ಮಕ್ಕಳಲ್ಲಿ ಮೂಡಿಸಿತು.

ಈ ಕಾರ್ಯಕ್ರಮದಲ್ಲಿ ಪೋಡಾರ್ ಇಂಟರ್‌ನ್ಯಾಷನಲ್ ಸ್ಕೂಲ್, ಉಡುಪಿಯ ಪ್ರಾಂಶುಪಾಲರಾದ ನೇತ್ರಾ ಹೆಚ್., ಪೋಡಾರ್ ಪ್ರೆಪ್‌ನ ಮುಖ್ಯೋಪಾಧ್ಯಾಯಿನಿ ಗೀತಾ ಲವೀನ್ ಪೂಜಾರಿ, ಆಡಳಿತಾಧಿಕಾರಿ ಹರೀಶ್ ನಾಯಕ್, ಹಾಗೂ ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿ ಉಪಸ್ಥಿತರಿದ್ದರು.